passage

Passage, m. penac. Signifie tantost l'allée et le voyage d'un lieu à autre, Profectio. Le passage de l'armée est dangereux, Plena periculi res est, exercitus praefectio. Prendre un Faulcon au passage, Accipitrem in ipsa migratione intercipere. Et tantost un voyage court et sans muser, Momentanea profectio, comme, Je feray un passage jusques où vous estes, Istuc modica mora adero. Et tantost chemin pour aller outre, comme, L'armée du Roy a demandé passage par les terres de l'Empereur, Transitum petiit. Liu. lib. 23. Et tantost certaines lettres du Roy, par lesquelles il mande à tous ceux qui sont de son obeissance, prie et requiert les Princes estrangers, laisser passer, sejourner et demeurer tel son Ambassadeur ou chevaucheur de son escuyrie, ou autre y denommé, avec nombre limité de gents de sa suyte, armez ou desarmez, leurs finances, bagues, joyaux, harnois, chevaux, lettres closes ou patentes, et retourner sauvement et quittement dedans le temps qui y est aussi limité; leur fournir toutes leurs necessitez en payant. Lesquelles lettres portent clause de sauve-garde, Diploma commeatus tuti ac liberi, cum fidei publicae interpositione. Mais quand elles sont à seel placqué, ne s'addressent qu'aux seuls subjects du Roy, et ont en teste, De par le Roy, et ne portent limitation de temps, car ce sont passages volants, et suffit d'y mettre, Donné en tel lieu, sans dire soubs le seel secret ou placqué. En aucuns protocoles anciens escrits à la main, ces lettres cy à seel placqué sont appelées, Lettres de pas. Aussi sont elles pareillement addressées aux gardes de ponts, ports et passages. En cette maniere de signification on dit, Passage pour Ambassadeurs, quand le Roy les envoye hors le Royaume, à ce que ens et hors iceluy ils et leurs gents et attirail passent, sejournent et repassent sauvement et quittement, et sont lettres requisitoires hors les limites de France. Ce qui s'entend in mandata, non autem in libera legatione. Passage à un chevaucheur d'escuyrie pour passer sauvement, et non quittement, luy quatriesme et son attirail ens et hors le Royaume, quand il est depesché par le Roy avec la clause de l'an expiré telles lettres non valoir. Lesquelles ne sont à tous chevaucheurs ottroyées de mesme amplitude et estenduë, ains de moindre à ceux qui sont de l'ordonnance de l'escuyrie du Roy. Passage à subjects pour poursuivre la delivrance des prisonniers et ostages detenus hors le Royaume, quand le Roy permet aux denommez en ses lettres, d'aller, escrire, traitter, composer, passer lettres obligatoires, porter or et argent à l'estranger pour le fait de laditte delivrance, sauvement et quittement dedans le temps y limité, sans pour raison de ce encourir blasme, faute ne reproche, avec l'exception de ne transporter audit païs estranger en ce faisant choses illicites, suyvant la loy, Cotem ferro. ff. de publica. et l. non solum. Cod. de commerc. et mercat. l. 2. Cod. quae res export. non deb. eod. Passage à vivres franchement pour la provision et avictuaillement d'un chasteau, quand il est mandé laisser enlever et passer quittement la quantité de grain y limitée, pour la provision de tel chasteau. Passage et traicte de vin, quand est mandé laisser enlever et passer la quantité de pipes y limitée, franchement du droit de traicte, duquel est par les mesmes lettres fait don à l'impetrant. Il se trouve en aucuns anciens protocoles escrits à la main, certain formulaire de lettres inscrites, Lettres de passe, addressées à subjects et alliez. Par l'une d'icelles sans limitation de nombre de personnes est mandé aux subjects, sont requis et priez les amis, alliez et bien-vueillants laisser passer sauvement sans plus un Napolitain habitué en France, ses famille et biens quelconques (les choses illicites hors) auquel le Roy permet s'en retourner demeurer au Royaume de Naples, lors tenu et possedé par le Roy. Par l'autre sont faits pareils permission, mandement, et requisition pour une vefve, s'en retournant demeurer au Comté de Rossillon. Et par l'autre avec nombre limité de personnes de suyte, est mandé laisser passer par le Royaume sauvement et quittement avec reception, courtoisie et d'honneur, la Royne Isabel, femme au Roy Dom Federic. Lesquelles lettres portent le nom de Passe, entrant et sortant de la frontiere, ainsi que fait lettre de pas la susdite à seel placqué, entrant et sortant des metes d'une province, bailliage, seneschaulcée à autre au dedans des enclaves et frontieres de ce Royaume. Passage se prend aussi pour le lieu par où l'on passe d'une chambre ou sale à autre, comme, Cette galerie ne sert que de passage, Haec porticus neutiquam mansionem, at transitum tantum praestat. Et de ce seul mot est inscrit par les Mareschaux de logis et fourriers en marquant le dedans d'un logis. Et tantost pour l'endroict d'un chemin passant, comme, Voicy un dangereux passage, Hac magno cum periculo transitur. Il se prend encore pour quelconque endroict de sens entier d'un escrit de long discours, comme, S. Augustin dit en ce ou sur ce passage de l'Evangile, Hoc loco, aut in hunc locum. Et en cette signification il vient du mot Chaldée Pasuk, qui signifie un vers, un membre de Periode ayant sentence entiere, qu'on dit aussi un verset, et la periode mesme. Esquels Pasuks les livres du vieil Testament ont esté distinguez, tant pour facile comprehension du sens d'iceux, que pour le bien de la memoire du lecteur. Ainsi Passage cy endroit sera partie ou particule de {{t=h}}pâsaq{{/t}} mot Chaldée, qui signifie cesser et faire arrest. Ce que le lecteur fait au bout de chasque propos ou sentence entiere dicte Pasuk. Ou bien de {{t=h}}pat{{/t}} ou {{t=h}}pissâh{{/t}} Hebrieux, qui signifient partie, particule, Pars, particula, frustum, dont lesdites dictions Chaldées ont esté prinses.

Passage, Velut locus per quem passus aguntur, Transitus, huius transitus, Meatus, huius meatus.

Passage et entrée d'un lieu, Aditus, huius aditus.

Le passage est fait, Iactus est gradus et aditus ad caetera. B.

Oiseaux de passage, qu'on appelle autrement passagiers, Aues commeantes. Bud.

Un passage estroit entre deux mers, Isthmus.

Passage fait d'ais longs, et plancheé, Tabulatus transitus.

Le passage des Alpes, Alpium transitus.

Certains passages et destroits que les Romains faisoyent anciennement garder sur les marches et frontieres de leur Empire, Limites.

Donner ou bailler passage, Transitum alicui facere, vel dare, Aperire iter alicui in aliquam regionem, Dare iter, Dare viam alicui per fundum.

Si les embassades n'eussent donné passage aux ennemis par une des portes, Ni legati patefecissent vna porta hostibus viam.

Donner passage par le fossé, Emittere per vallum.

Il t'a ouvert le passage pour retourner aux tiens, Tibi reditum ad tuos aperuit.

Clorre le passage aux fuites et delais, Fugitiuorum rimas obstruere. Budaeus.

Boucher et estouper le passage, Obsepire iter, Includere viam.

Couper les passages et chemins, Intercludere viam.

Empescher le passage, Prohibere itinere.

Fermer les passages à quelqu'un en sorte qu'il ne puisse fuyr, Fugam alicui claudere.

Garder les passages que les ennemis n'ayent des vivres, Commeatum inimicis intercludere.

Celuy qui garde les passages sur la mer, Limenarcha.

Tenir un passage et guetter, Locum aut viam insidere.

Surmonter les mauvais passages, Difficultates locorum vincere.

Celuy qui faisoit le train de la ferme des passages et tenoit le registre, soit du costé des bailleurs, ou du costé des fermiers, Magister scripturae.

Lettre de passage, Symbolum. B. ex Arist.

Un passage fort doubteux en droit, Ius inter peritos ambiguum, vel quod ambigitur.

Les mauvais passages de proces, Maeandri forenses, Scopuli fori. Budaeus.

Eschapper assez honnestement d'un mauvais passage de proces, E luto forensi emergere pedibus semilotis. B.

Nous en avons parlé en un autre lieu et passage, Sunt a nobis alio loco disputata.

Thresor de la langue françoyse. Jean Nicot.